A chie suffrît das amore, Madre Teresa ‘e Calcutta

Oggi, 5 settembre, festa di Santa Teresa di Calcutta, a San Teodoro, nella chiesa dedicata alla Madre beatificata da Giovanni Paolo II il 19 ottobre 2003 e canonizzata da papa Francesco il 4 settembre 2016, risuonano i goccios scritti in poche ore dal poeta orunese Leonardo Berria che ha risposto di getto alla richiesta di don Alessandro Cossu.

Ecco i versi inediti di Berria, grande amante dei goccios e della poesia sacra in generale, tanto da curare da anni per l’emittente di Nuoro di Radio Barbagia  la versione in rima e in stretta variante orunese del Vangelo del giorno

 

Tue s’illeju a su dolore

po dogni anima erta e rutta.

A chie suffrit das Amore,

Madre Teresa ‘e Calcutta.

Fiza de su novichentos,

in su deghe de agustu,

naschis Tue e Deus gustu,

ti dat Isce sos talentos

po abbrandare sos turmentos,

de ogni carena derrutta.

A chie suffrit das Amore,

Madre Teresa ‘e Calcutta.

A una Gratzia de Maria,

Tue das meritos e bantos,

ne cumprennes sos ispantos

de s’Azudu in s’angustìa.

De Loreto Fizza e Bìa,

vies s’umanidade brutta.

A chie suffrit das Amore,

Madre Teresa ‘e Calcutta.

A Calcutta in su Bengala,

Tue che venis imbiada,

vies su dolu in dogni istrada,

ahi trista vida mala,

erta e poveru a dogni ala,

ahi pogheresa iscutta!

A chie suffrit das Amore,

Madre Teresa ‘e Calcutta.

Chin sos Pannos Marianos,

vas tottuve in Caridade,

chin Amore in Santidade,

ses Azudu ‘e malesanos.

Chin printzipios Cristianos

ses reparu a chie est sutta!

A chie suffrit das Amore,

Madre Teresa ‘e Calcutta.

Fizza ‘e Deus Fiorìda,

pensas po su bisonzosu,

su ricoveru e reposu,

po sanare dogni erìda.

funnas caridade e bida,

Tue de Deus luche allutta!

A chie suffrit das Amore,

Madre Teresa ‘e Calcutta.

Ti connoschet tottu munnu

ca ses Nobel premiada,

Tue s’opera mannada;

Tue s’Amore prufunnu!

ma su dolu vat a-funnu

ca nno a sa morte ses rutta.

A chie suffrit das Amore,

Madre Teresa ‘e Calcutta.

Como Santa ses precada,

grascia Tua sìat giutta.

A chie suffrit das Amore,

Madre Teresa ‘e Calcutta.

CondividiShare on FacebookShare on Google+Tweet about this on TwitterShare on LinkedIn